دیوالی کے موقع پر صدر اوباما کا پیغام

امریکہ میں اور دنیا بھر میں روشنیوں کا تہوار منا رہے تمام لوگوں کو دیوالی مبارک! اس موقع پر جس طرح ہندو، جین، سکھ، اور بودھ دِیے روشن کرتے ہیں، پوجا و پرارتھنا میں شریک ہوتے ہیں، اپنے گھروں کو سجاتے ہیں، اور عزیز و اقربا کی ضیافت اور میزبانی کے لئے اپنے دروازے کھول دیتے ہیں؛



ہم سمجھتے ہیں کہ یہ موقع برائی پر بھلائی اور جہالت پر علم کی جیت کے لئے خوشیاں منانے کا ہے۔ یہ تہوار ہمارے مشترکہ امریکی تجربے کے بارے میں ایک وسیع تر سچائی کو بھی ظاہر کرتا ہے۔ یہ موقع اس بات کی یاد دہانی ہے کہ کیا کچھ ممکن ہے جب ہم اختلافات سے پرے دیکھتے ہیں جو ہمیں اکثر تقسیم کرتے ہیں۔